Xog:- Ninkii gowraca u qaabilsanaa DAACISH oo laga cabsi qabo inuu SOMALIA soo galo

Bulsha:- Mohamed Emwazi oo ah Jihaadiiste ka tirsan Maleeshiyaadka Daacish kana soo jeeda dalka Britain ayaa ka baxsaday Maleeshiyaadka Daacish.

Jihaadiistahaasi oo lagu naaneyso ”Jihadi John” ayaa ku dhex baxsaday dalka Syria waxaana laga cabsi qabaa inuu u sii baxsado dalka Somalia oo xili hore laga celshay.

Jihadi John, ayaa baxsad ka ah Sirdoonka Britain iyo Mareykanka oo iyagu baadi goobayo, waxaana la soo warinayaa inuu raadinaayo meel uu kaga badbaado Sirdoonkaasi.

Jihadi John, ayaa surka ka jaray inkabadan 25 ruux oo ay kamid ahaayen Suxufiyiin iyo Shaqaale Samafal sida Stephen Sotloff, James Foley, David Haines, Alan Henning iyo Peter Kassig.

Sirdoonka dalalka Britain iyo Mareykanka ayaa ka digay in Mohamed Emwazi ”Jihadi John” uu kamid noqdo Ururada xagjirka ah ee ka dhisan Africa, waxa ayna si gaar ah farta ugu godeen in Jihadi John uu haminaayo inuu la bahoowo Maleeshiyaadka Al-shabaab.

Walaacani ayaa imaanaya iyadoo dhawaan Sirdoonka Kenya ay soo bandhigeen dukumiintiyo muujinaayo in Jihadi John xili hore laga qabtay xadka Somalia kala dhexeeya Kenya, waxa uuna qorshihiisu ahaa inuu ku biiro xagjiriinta Somalia ee Al-shabaab.

_______________________
Xafiiska Shabakada Bulsha
UK- Leicester united kingdom

Share on Google Plus

About Bulsha Arrimaha Bulshada

Wabsite kaan waxaa uu idiin soo gudbin dhacdooyinka maalinlaha ah ee la xariira arrimaha bulshada siyaasada cayaaraha, fanka iyo suugaanta iyo in badan oo qarsoon marka ha moogaan inaad soo booqada oo aad ka daalacado waxyaabaha muhiimka ah ee aan idinku diyaariney. Waadna Mahadsan Tihiin. Somaliya hanoolaato