Bulsha:- INNAA LILLAAHI WA INNAA ILEYHI RAAJICUUN llahaa u naxariistee dadkii maanta ku geeriyooday Hoteelka Jaziira ee magaalada Muqdisho waxaa kamid ahaa Wariye Maxamed Cabdi Kariin oo kamid ahaa Wariyaasha ka howlgala gobbolka Gedo isla markaasna kamid ahaa Wariyaasha Madaxabanan ee Ururka Saxafiyiinta Jubbaland ee JIJA.
Wariye Maxamed Cabdi Kariin ayaa maalmihii ugu dambeeyay howlo shaqo u joogay magaalada Muqdisho isagoo markii hore ka yimid Degmada Doolow ee gobbolka Gedo. galabta ayuu la kulmay qarixii ismiidaaminta ahaa ee ay geysteen kooxda Al shabaab.
Wariye Maxamed Cabdi Kariin ayaa gobbolka Gedo uga so wari jiray TV- Universal, waxaana uu la soo shaqeeyay xarumo kale oo warbaahineed oo dalka iyo dibadda ah.
Wariye Maxamed Cabdi Kariin Allahaa u naxariistee, waxaa uu ahaa nin aad u wanaagsan oo jacel inuu dadkiisa iyo dalkiisa hormariyo, bishii Febuary ee sanadkaan waxaa isaga iyo Maxamed Qani Kuusoow ay si weyn iigu soo dhaweeyeen garoonka diyaaradaha Doolow.
Sidoo kale qaraxa waxaa uu dhaawac fudud kasoo gaaray Salmaan Jamaal Saciid oo isna ka tirsan Tv-ga Universal.
Maxamed waxaa dishay gacan ka xaqdaran, waxaan alle uga baryayaa inuu janadiisa Fardowso ka waraabiyo.
Dhammaan maamulka iyo shaqaalaha Saadaal waxay tacsi ka dirayaan geeridaasi naxdinta badan ee ku timid walaalkeenna saaxiibkeen Maxamed Cabdikariin Macalin.
_______________________
Xafiiska Shabakada Bulsha
UK- Leicester united kingdom
Blogger Comment
Facebook Comment