Bulsha:- Hawlgallo Milatari ayaa ka socda maalintii labaad Gobollada Bay iyo Gedo, iyadoo iska horimaadyo laga soo sheegayo inay ka dhaceen degaanka Iidaale halkaasi oo la sheegay inuu qarax ka dhacay.
Dhinaca kalena ciidamada dawladda oo taageero ka helaya kuwa Itoobiya ayaa kusii siqaya magaalada Baardheere oo ay haatan u jiraan ilaa 65 KM.
Dhinaca kale Dagaal xoogan iyo qarax ismiidaamin ah ayaa ka dhacay duleedka deegaanka Manaas ee Gobolka Baay, kadib markii kolonyo Ciidamada AMISOM oo ka soo baxay Baydhabo kuna sii jeeda Diinsoor wadada loo galay.
Sida ay sheegayaan wararka Ciidamada AMISOM ayaa la sheegay in dagaalo ku qabsadeen wadada isku xirta Baydhabo iyo Diinsoor, iyadoo qarax weyn laga maqlay wadadaas.
Al-Shabaab ayaa sheegatay in gaari waxyaabaha qarxa laga soo buuxiyay oo uu kaxeynayay ruux naftii hure ah uu la beegsaday kolonyada Ciidamada Itoobiya la socdeen, iyagoo intaa ku daray in khasaare xoogan ay gaarsiiyeen, gaadiid fara badan ku gubeen.
Ciidamada huwanta ayaa shalay la wareegay degmada Ufurow ee Gobolka Baay, waxaana ay qorshayaan inay u sii gudbaan degmada Diinsoor oo ay ku xoogan yihiin Al-Shabaab.
_______________________
Xafiiska Shabakada Bulsha
UK- Leicester united kingdom
Blogger Comment
Facebook Comment