Bulsha:- Illo xog ogaal ah ayaa sheegaya in Shirka Wadatashiga Qaranka la filayo inuu ka dhaco Muqdisho 11-ka bishan Sebtember sanadkan aan ku jirno 2022-da.
Balse, waxaa ku xiran hal caqabad, taasoo ah in madaxda maamul goboleedyadda ay ogolaadaan martiqaadka uu u fidiyey madaxwayne Xasan Sheekh Maxamuud.
“Madaxda maamuladda waa fahansan yahay in madaxwayne Xasan Sheekh ka doonayo sawir-wadareed kahor inta uusan u duulin magaalada New York iyo shirka sanadlaha ee UN-ka,” ayuu yiri qof war-gal ah.
Kulanka loo-dhan-yahay ee Jamciyada Qurumaha Ka Dhaxeysa ayaa la qorsheeyay in uu qabsoomo inta u dhaxeysa 20-ka illaa 23-ka bishan aan hadda ku guda jirno ee September.
“Waxay dhaqan u noqotay Villa Soomaaliya in ay shir isugu yeerto madaxda maamuladda ka hor inta aysan madaxda adduunka kula kulmin New York, iyagoo muujinaya sawirka midnimada,” ayuu raaciyey.
Bahwadaagta caalamiga ah ee Soomaaliya ka taageera dhanka ammaanka ayaa si isa soo taraysa uga dalbanaya dowladda federaalka in ay hoggaanka u qabato dagaalka ka dhanka ah Al-Shabaab.
Madaxweyne Xasan Sheekh oo markii labaad fursad helay ayaa la filayaa inuu dhawaan u safro Sacuudiga, halkaas uu ka gudbinayo codsi taageero dhaqaale oo loogu talagalay abaaraha iyo ciribtirka maleyshiyadda.
Fekradaada Facebook Ku Dhiibo Ama Qeybta Hoose Ee Fekradaha:
Booga Bogeena Facebooka Halkaan KUDHUFO
Blogger Comment
Facebook Comment