Bulsha:- Isbaheysi Siyaasadeed oo loogu magac daray Golaha Samata bixinta Koofur Galbeed ayaa maanta looga dhawaaqay magaalada Muqdisho, waxaana ku mideysan Madax hore, Xildhibaano hore, Siyaasiyiin iyo dhalinyaro.
Madasha looga dhawaaqayay isbaheysigan waxaa ka soo muuqday gudoomiyihii hore ee Golaha Shacabka Jawaari, gudoomiye kuxigeenkii hore ee golaha shacabka Cabdi Wali Muudeey, madaxweynihii hore ee Koofur Galbeed Shariif Xasan, Sii hayaha xilka wasiirka Haweenka Soomaaliya Xaniifa Xaabade, xubnahan dhamaantood waxaa kuraas xildhibaanimo u soo diiday Lafta Gareen.
Sida wararka la helayo ay sheegayaan, Golahan ayaa si weyn uga soo horjeeda Madaxweynaha Maamulka Koofur Galbeed C/casiis Lafta Gareen oo uu muran ka taagan yahay waqtiga muddo xileedkiisa ku egyahay.
Xubnahan waxey ku doodayaan in mudo xileedka Lafta-Gareen ay ku egtahay dhamaadka sanadan, balse isago waxa uu ku doodayaa in sanadka danbe dhamaadkiisa uu xilkiisa ku egyahay oo ay isla dhameysanayaan baarlamaanka, maadaama uu sanad ku darsaday xil heyntiisa.
Kudhawaaqista isbaheysigan cusub ayaa ku soo aadaya xili maanta uu Muqdisho soo gaaray madaxweyne Cabdi Casiis Lafta-Gareen, wuxuuna isku dayayaa sidii uu isaga yareyn lahaa culeyska saaran ee uga imanaya dhanka dowladda cusub iyo siyaasiyiinta saameynta leh ee uu khilaafka xooggani kala dhexeeyo.
Fekradaada Facebook Ku Dhiibo Ama Qeybta Hoose Ee Fekradaha:
Booga Bogeena Facebooka Halkaan KUDHUFO
Blogger Comment
Facebook Comment