Bulsha:- Dowladda Soomaaliya ayaa Shatiyo ay ku shaqeeyaan siisay laba banki oo laga kala leeyahay dalalka Masar iyo Turkiga, kuwaas oo lagu kala magacaabo Banque Misr iyo Ziraat Katilim, kadib markii maanta la ansixiyay codsiga labadaas Bank.
Sida lagu sheegay qoraal ka soo baxay maamulka Bankiga Dhexe ee Soomaaliya, talaabadan ayaa timid kadib markii maamulada labadaas Bank ay buuxiyeen shuruudaha la hordhigay oo si qoto dheer looga baaraan dagay.
“Guddiga Bankiga Dhexe wuxuu go’aamiyey in labada Banki ay buuxiyeen dhammaan shuruudihii looga baahnaa ee shityada, waxanaa la ansixiyey codsiyadooda. Labada Banki waxay hadda laamo ka furan karaan kana howlgali karaan Soomaaliya,” ayaa lagu yiri war-saxaafadeed kasoo baxay Bankiga.
Guddoomiyaha Bankiga Dhexe Cabdiraxmaan Cabdullaahi Maxamed ayaa sheegay inuu ku faraxsan yahay iney dalka ka howlgalaan Bank-yadan laga leeyahay dalalka Masar iyo Turkiga oo cilaaqaad dhaw la leh dowladda cusub ee madaxweyne Xasan Sheekh.
“Kadib habraac ballaaran waxaan ku faraxsanahay in guddiga uu ansxiyey codsiga shatiyo ee Ziraat Katilim Bank iyo Banque Misr.” ayuu yiri Guddoomiyaha Bankiga Dhex.
Tani ayaa ka dhigan in markii u horeysay Bank-yo caalami ah ay ka shaqa bilaabaan dalka wixii ka danbeeyay burburka dowladdii dhexe, Nidaamkii Farmaajo ayaa hore isaga diiday in Bank laga leeyahay Masar laga furo dalka, isagoo ku qancinayay Abiye Axmed oo khilaaf culus kala dhexeeyo dowladda Masar.
Fekradaada Facebook Ku Dhiibo Ama Qeybta Hoose Ee Fekradaha:
Booga Bogeena Facebooka Halkaan KUDHUFO
Blogger Comment
Facebook Comment