Bulsha:- Qoys muhaajiriin ah oo reer Syria ah ayaa waxay go’aansadeen inay gabadhooda ugu magac daraan Germany Chancellor Angel Merkel, tallaabadaas ayaana aheyd mid ay ugu mahadcelinayaan gabadha ugu sarreysa Jarmalka, laakiin codsigoodii waa laga soo diiday.
Aabe Al-Hamza ayaa waxay gabadhaani u dhalatay 27kii October waxayna ku dhalatay magaalada Duisburg, wuxuuna go’aansaday inuu u bixiyo Angela Merkel Al-Hamza, taasoo ka dhigan inuu ugu magac daray Angela Merkel oo dalkeeda Germany uu soo dhoweeyey Qaxootiga Syria.
Si kastaba ha ahaatee, waalidkaan waxa kale ee ay doonayeen ayaa aheyd inay uga mahadceliyaan guud ahaan reer Germany tallaabada ay ugu garteen inay sii joogaan dalkaan.
Si kastaba ha ahaatee, warbaahinta gudaha Germany ayaa haatan sheegeysa in qoyskaan oo ku nool magaalada Moenchengladbach laga soo diiday codsigoodii ahaa inay gabadhooda ugu magac daraan Angel Merkel, haweeneyda ugu sarreysa Germany.
Mamon Al-Hamza ayaana wuxuu saxaafadda u sheegay inuu si aad ah uga xun yahay tallaabada ay maamulka magaalada Moenchengladbach uga soo diideen codsigiisii ahaa inuu gabadhiisa ugu magac daro shaqsigii sida weyn ugu soo dhoweeyey Germany.
Wararku xitaa waxay sheegayaan inay qoyskaani ugu dambeyntii weydiisteen dalka Germany inay ka baxaan isla markaana ay dib ugu laabtaan dalka Turkey. Waxaana ay wararku sheegayaan in maamulka magaalada Moenchengladbach ay haatan u sheegeen qoyskaan inay si ku meel gaar ah usii joogi doonaan Germany inta looga ogolaanayo codsigooda.
Haatan muddo hal sanno ah ayaa laga yaabaa inay sii joogaan Germany waxaana xusid mudan in aysan xubno kale oo qoyskooda ah ka keeni karin Syria.
_______________________
Xafiiska Shabakada Bulsha
UK- Leicester united kingdom
Blogger Comment
Facebook Comment