Bulsha:- Kulanti wanaagsan saaxiibada sida joogtada ah noogu xiran waxaan idinka mahad celineynaa marka hore sida wanaaga ku dheehan oo aad noogu dhiiri galisaan socod siinta barnaamijkan xiisaha badan oo aan todobaadkii labo maalmood oo ka mid ah idinla wadaagno (Isniin & Khamiis).
Fadlan hoos kaga bogo maanta macluumaaadka kala duwan ee aan soo aruurinay kadibna ka dhiibo fikirkaaga saliimka ah iyo talo soo jeedintaana waa muhiim:
Ma ogtahay in Shruti Haasan ay door bidi jirtay in magaca Pooja Ramachandram loogu yeero xiligii ay iskuulka dhigan jirtay, madaama ay diidaneed in xiligaas maamulka iyo macalimiinta Iskuulka ay ula dhaqmaan sida gabar Super Star dhalay.
Waayo hadafkeeda wuxuu ahaa inaan la ogaan in Super Star Kamal Haasan aabaheed yahay si arday caadi ah loola dhaqmo balse aan qiimeyn gaar ah loogu sameynin!
Ma ogtahay in Aamir Khan si uu doorkiisa filimka PK luqada reer Bhojpuri ee uu filimkan ku hadlaayo xidigan ku qaadatay barashadeeda mudo labo sano ah waxaana barashada Af Bhojpuri ka caawiyay Shanti Bhushan oo ah qoraa reer Bhojpuri oo Tvyada la shaqeeyo.
Ma ogtahay in heesta Jalte diye ee filimka Prem Ratan Dhan Payo ku jirto loo baahday 150qofood markii la duubayay inay si joogto ah u ilaaliyaan dabka ka shidan heraaraha Salman iyo Soman ku heesayaan, micnaha iftiinka shumaca naqshada heesta qurxinaayo 150qofood ayaa loo xil saaray inay ilaaliyaan si aysan u damin inta duubista heesta socotay!
Ma ogtahay in Director Imtiaz Ali uu ugu tala galay in duubista filimkiisii Highway (2014) lagu dhameestiro mudo 60cisho ah, balse kooxda filimkan oo ay ugu horeyso Alia Bhatt oo dadaal xoogan sameeyeen ayaa ka caawisay Imtiaz Ali inuu mudo 52maalmood filimkan shaqadiisa kusoo afjaro weliba tuulooyin magaalada ka fog oo safarkeeda dhib badan ayaa inta badan filimkan lagu duubay.
Ma ogtahay in Super Star Sunil Dutt ka hor inta uusan jilaa noqonin uu Radio Ceylon ee magaalada Mumbai ku yiilan 50kii wariye ka ahaan jira. Mase ogtahay in Sunil Dutt uu taageero u ahaan jiray atirishadii laga dambeyn jiray xiligaas Nargis, waxaana maalin u suura gashay inuu wareysi idaacada kaga qaado laakiin markii uu arkay Nargis wuxuu awoodi waayay inuu hadlo (Afkii ayaa juugda gabay)!_______________________
Xafiiska Shabakada Bulsha
UK- Leicester united kingdom
Blogger Comment
Facebook Comment