Weerara Xoogan oo Xalay Lagu Qaaday Hoteel ku yaal Dalka Burkino Faso (VIDEO)

Bulsha:- Wararka ‌inaga soo gaaraya dalka Burkina Faso ayaa sheegaya in Dabley hubaysan ay xalay weerar xoogan ku qaadeen Hoteel ay ku badan yihiin dadka Reer Galbeedka ah ee dalkaasi ku sugan.

Weerarkaasi Dableyda hubaysan ay ku qaadeen Hotelka ayaa waxaa lagu dilay sida ilaa hadda la xaqiijiyay ugu yaraan 20 qof oo ka mid ahaa dadkii waqtigaas Hotelka ku sugnaa oo isugu jira shaqaale iyo dad dalxiiseyaal ahaa.

Waxaa lagu soo warinayaa in Rag indhaha ay u xiran yihiin ay xoog ku galeen Hoteelka, kadib markii gaari meesha la sii dhigay lagu hor qarxiyey, sida ay soo weriyeen dad goobjoogayaal ah.

Agaasimaha Isbitaal weyn oo ku yaala caasimada dalkaasi Burkina Faso ee Ouagadougou ayaa u sheegay saxaafadda in 20 ruux ay geeriyootay 51 kalana dhaawac uu soo gaaray iyadoo dhaawaca qaarna ay aad halis u yihiin.

Weerarkan lagu qaaday Hoteelka ayaa waxa sheegatay koox ka tirsan Al­Qaacida oo lagu magacaabo Al­Qaacidada Maqrib.

_______________________
Xafiiska Shabakada Bulsha
UK- Leicester united kingdom

Share on Google Plus

About Bulsha Arrimaha Bulshada

Wabsite kaan waxaa uu idiin soo gudbin dhacdooyinka maalinlaha ah ee la xariira arrimaha bulshada siyaasada cayaaraha, fanka iyo suugaanta iyo in badan oo qarsoon marka ha moogaan inaad soo booqada oo aad ka daalacado waxyaabaha muhiimka ah ee aan idinku diyaariney. Waadna Mahadsan Tihiin. Somaliya hanoolaato