Bulsha:- Magaalada Gaalkacyo ee xarunta Gobolka Mudug waxaa xiligan kasoocda dagaal culus iyo duqeymo u dhaxeeya Ciidamada maamulada Galmudug iyo Puntiland ,kuwaa oo maalmo kahor magaaladaasi horey ugu dagaalamay.
Dagaalka ayaa ku bilowday Duqeymo culus ay labada dhinac isdhaafsanayeen, waxaana qeybo badan oo kamid ah Koonfurta iyo Waqooyiga Magaalada Gaalkacyo kusoo dhacay madaafiic xoogan oo bur bur xoogan gaarsiiyay Magaalada.
Madaafiicda la is dhaafsanayo ayaa qaarkood waxa ay ku dhaceen goobo ku dhaw Hoteelo ay ku sugnaayeen Masuuliyiin katirsan Dowlada iyo kuwa Maamul Goboleedyada ee waan waanta nabadeed u joogay Magaalada Gaalkacyo.
Masuuliyiinta ku sugan Magaalada Gaalkacyo ayaa xiligan lasoo daristay cabsi iyo araggax ay ka qaadeyn dagaalka iyo Madaafiicda culus ee ka socota Magaalada Gaalkacyo, waxaana Magaalada banaanka uga baxay qaar kamid ah Masuuliyiintii halkaasi ku sugneed.
Ra'isul Wasaaraha Soomaaliya iyo qaar kamid ah Madaxda Maamul Goboleedyada, Wasiiro iyo Xildhibaano katirsan DowladaFederaalka ayaa xiligan waxa ay ku sugan yihiin gabaadna ay ka dhigteen Garoonka Diyaaradaha Magaalada Gaalkacyo.
Madaxweynayaasha Galmudug iyo Punriland ayaa wali kuwada sugan Magaalada Gaalkacyo, waxaana banaanka soo baxay shaki ay dad badan ka qabeen in aysan labada dhinac daacad kawada aheyn heshiiskii shalay Gaalkacyo lagu kala saxiixday.
Waxii Warar ah ee kusoo kordha Dagaalka ka socda kala Soco wararkayaga Dambe Insha Allah
_______________________
Xafiiska Shabakada Bulsha
UK- Leicester united kingdom
Blogger Comment
Facebook Comment