Jawaari: Lama xiri doono fadhiga 6-aad iyadoon la maareyn mooshinka

Bulsha:- Guddoonka Sare Baarlamaanka Somaliya, ayaa maanta xaqiijiyay in uu sii furnaan doono Fadhiga 6-aad ee Baarlamaanka Somaliya, illaa iyo inta laga maaraynaayo ajandayaasha horyaala Baarlamaanka, oo Mooshinka Madaxweynaha laga keenay uu ugu horeeyo.

Qodobka 24-aad ee Xeer Hoosaadka Baarlamaanka, farqadiisa 5-aad, ayaa oranaaya “Fadhiyada Baarlamaanka waxay soconayan illaa laga dhameeyo ajandaha horyaala Golaha Shacabka iyo hindise sharciyeedyada deg-degga ah.”

Gudoomiyaha Baarlamaanka Somaliya, Prof. Maxamed Sheekh Cismaan Jawaari oo cuskanaaya qodobkaasi, ayaa ku dhawaaqay in Fadhiga 6-aad uu sii furnaan doono, illaa iyo inta laga maaraynaayo ajandayaasha Baarlamaanka horyaala, ee Mosohinka uu ugu horeeyo.

Gudoomiyaha, ayaa yiri “Wuxuu qorshahaynu ahaa 27-ka bishan inaan soo gaba gabeeno Fadhiga 6-aad. Laakiin inta aan ka maaraynayno ajandayaasha Baarlamaanka horyaala, waa sii shaqayn doonaa.” Ayuu yiri Gudoomiyaha.

Jawaari, ayaan kala cadayn goorta lagu wado in la soo xiro Kalfadhiga 6-aad ee Baarlamaanka, balse Xildhibaanada Baarlamaanka, ayaa u muuqdo kuwo bil dheeraad ihi sii shaqayn doono.

_______________________
Xafiiska Shabakada Bulsha
UK- Leicester united kingdom

Share on Google Plus

About Bulsha Arrimaha Bulshada

Wabsite kaan waxaa uu idiin soo gudbin dhacdooyinka maalinlaha ah ee la xariira arrimaha bulshada siyaasada cayaaraha, fanka iyo suugaanta iyo in badan oo qarsoon marka ha moogaan inaad soo booqada oo aad ka daalacado waxyaabaha muhiimka ah ee aan idinku diyaariney. Waadna Mahadsan Tihiin. Somaliya hanoolaato