Bulsha:- C/weli Maxamed Cali Gaas Madaxweynaha maamulka Puntland ayaa sheegay in xukuumaddiisa ay cafiskii ugu danbeeyay u fidinayso dagaal-yahanada ka tirsan Al-shabaab ee wali ka dagaalamaya buuraha Gal-gala ee gobolka Bari.
“Waad la socotaan waxaa in badan Puntland dhib ku hayay cadow Soomaaliyeed kan ugu dharbaaxada kulul waana Al-shabaab ,walina ciidamadeenu dagaal ayey kula jiraan ururkaas “ ayuu yiri madaxweyne Gaas oo la hadlayay boqolaal dadweyne ah.
“Dabcan marar badan ayaan ku celceliyay, cid kasta oo diyaar u ah inay ka Tanaasusha fikirkan qaldan ee ka soo horjeeda Diinta Islaamka waxaan diyaar u nahay inaynu soo dhaweynno “ ayuu mar kale yiri madaxweynaha Puntland.
gaasWaxaa madaxweynuhu uu sheegay in muddo 30-cisho ah loo qabtay xubnaha ka tirsan ururkaas in ay isugu soo dhiibaan ciidamada Puntland, waxaana uu sheegay in dagaalo kala duwan oo dhex-maray Puntland iyo Al-shabaab ay guulo ku gaareen.
“Ciidamada Puntland waxaan ka dalbanayaa in ay u fududeeyaan cid walba oo rabta in ay isa soo dhiibto oo aan laga hor-istaagin cafiskan “ ayuu mar kale yiri madaxweynaha Puntland oo sheegay in dagaal-yahanada Al-shabaab ay u badan-yihiin dad deegaanka ka soo jeeda.
Puntland ayaan ka badbaadin dhibaatada al-shabaab, waxayna dhibta la qabtaa deegaanada kale ee Soomaaliya ka tirsan ee ay Al-shabaab ka geystaan dilalka iyo qaraxyada.
_______________________
Xafiiska Shabakada Bulsha
UK- Leicester united kingdom
Blogger Comment
Facebook Comment