Faduma “Insania” oo loo magacaabay danjiraha Soomaaliya ee QM

Bulsha:- Faduma Abdullahi Mohamud (Insania), ayaa waxaa si rasmi ah loogu magacaabay safiirka joogtada ee Soomaaliya u fadhin doona magaalada Geneva oo ah xaruunta Xafiisyada UN-ka.

Faaduma “Insania” ayaa waxaa warqadihii aqoonsinimo ka gudoomay Madaxa fulinta QM Michael Moller.

Taariikhda Faaduma (Insania) oo kooban:

Faaduma ayaa xilkaan ka badali doonta Allaha unaxariistee Danjire Yuusuf Maxamed Ismaaciil (Bari-Bari oo ku geeriyooday weerar ay kooxda Al-shabaab kuq aadeen Hotelka Maka Al-mukarama ee Magaalada Muqdisho).

Danjire Faadumo waxay horay uga soo shaqeysay Wasaaradda arrimaha dibadda ilaa sanadkii 2013, waxay sidoo kale Qunsul kasoo noqotay Safaarada Soomaaliya ee Dalka Tanzania.

Sidoo kale waxay kaalin weyn ka geeysatay dib u furistii Safaarada Soomaaliya ee Washington, sidoo kale waxay Xubin kasoo noqotay Baarlamanka Soomaaliya.

Faaduma ayaa kamid ahayd 5 Safiir oo aan magacooda la shaacin oo ay Golaha wasiirada si duuduub ah u ansixiyeen 2-dii Bishii April, 2015.

_______________________
Xafiiska Shabakada Bulsha
UK- Leicester united kingdom

Share on Google Plus

About Bulsha Arrimaha Bulshada

Wabsite kaan waxaa uu idiin soo gudbin dhacdooyinka maalinlaha ah ee la xariira arrimaha bulshada siyaasada cayaaraha, fanka iyo suugaanta iyo in badan oo qarsoon marka ha moogaan inaad soo booqada oo aad ka daalacado waxyaabaha muhiimka ah ee aan idinku diyaariney. Waadna Mahadsan Tihiin. Somaliya hanoolaato