Bulsha:- Waxaa bilowday qorshe ciidamada Itoobiya ay doonayaan inay isku fidiyaan gobolada Gedo, Jubada Hoose, Jubada Dhexe, Bay, Bakool iyo Sh/hoose. dhowr guuto oo ciidamada Itoobiya ka socda ayaa soo gaaray degmada Luuq ee gobolka Gedo, iyagoo qorshahoodu yahay inay howlgal ballaran oo lagula dagaalamayo Al-Shabaab ka fuliyaan maalmaha soo socda gobolka Gedo, gaar ahaan degmada Baardheere oo Al-Shabaab maamusho.
Qorshahan is ballaarinta ciidamada Itoobiya ayaa ka danbeysay kadib markii shirar kala gooni ah xukuumadda Itoobiya la yeelatay Madaxweyneyaasha maamulada Koonfur Galbeed Shariif Xasan iyo kan Jubba Axmed Madoobe oo laga dhaadhiciyay in ciidamada Itoobiya ay ka xoreyn doonaan deegaanada maamuladaasi Al-Shabaab.
Itoobiya ayaa Axmed Madoobe u sheegtay in ciidamada Kenya aysan wax horumar ah ka sameyn mudo seddax sano ah inay Al-Shabaab ka wada xoreeyaan gobolada Jubbooyinka iyo Gedo.
Maamulka Koofur Galbeed ayaa isagana ku haminaya in Itoobiyaanka ay Alshabaab ka saari doonaan degmooyinka Diinsoor iyo Ufurow.
Ciidamada Itoobiya ayaa noqonaya kuwa ugu badan ciidamada AMISOM, waxayna horay ugu sugnaayeen gobolada Galgaduud, Hiiraan, Shabeellaha Hoose, Bay, Bakool iyo Gedo, iyagoo hadda usii gudbi doona labada Jubba.
_______________________
Xafiiska Shabakada Bulsha
UK- Leicester united kingdom
Blogger Comment
Facebook Comment