Cid awood u leh ma jirto inay ka daba hadasho go’aankii aan ku kala eryinay Baarlamaanka Juba

Bulsha:-  Xildhibaan C/llahi oo kamid ah Xildhibaanada Baarlamaanka Somalia ayaa si adag uga hadlay go'aanka Madaxweyne Xassan ee ku aadan ka hadalka kala dirista Baarlamaanka Jubaland.

Waxa uu sheegay in markii hore uu diidanaa inuu ka hadlo ama uu taageero go'aanka Baarlamaanka Federaalka ay ku laaleen Baarlamaanka Jubba, waxa uuna tilmaamay inay ka dambeysay kadib markii Xildhibaano kasoo jeeda Deegaanada Jubbaland ay arrintaasi kala hadleen.

''Madaxweyne Xassan sheekh marba cidii u tagta ayuu la jiraa waxa uu maantana keenay inuu raali galin ka bixiyo go'aan dharaar cad ay gaaren Baarlamaanka Federaalka dabcan cid waliba uma furna inay ka hadasho go’aan uu gaaro Baarlamaanka sida ay wax u socdaana wax iskama bedeli doonaan''

''Hadalka uu sheegay waxaa ka keenay cabsi Siyaasadeed uu ka qaaday dhanka Xildhibaanada Baarlamaanka ee kasoo jeeda Jubba mooye arrinku sidaa maheyn waxa uuna balanku ahaa inaan laga jawaabin''

Nasiib darro ayuu ku tilmaamay in go'aanka Madaxweyne Xassan Sheekh uu yahay mid marba dabeeshu ay dhinac u tuureyso.

Xildhibaanada Baarlamaanka Federaalka ayuu ku guubaabiyay inaysan dhinac u fiirin go'aanada is xigxiga ee rajada lagu baadi goobayo kana soo bixi doona Madaxtooyada Somalia.

_______________________
Xafiiska Shabakada Bulsha
UK- Leicester united kingdom

Share on Google Plus

About Bulsha Arrimaha Bulshada

Wabsite kaan waxaa uu idiin soo gudbin dhacdooyinka maalinlaha ah ee la xariira arrimaha bulshada siyaasada cayaaraha, fanka iyo suugaanta iyo in badan oo qarsoon marka ha moogaan inaad soo booqada oo aad ka daalacado waxyaabaha muhiimka ah ee aan idinku diyaariney. Waadna Mahadsan Tihiin. Somaliya hanoolaato