Bulsha:- Ciidamada dowladda Soomaaliya iyo kuwa degaanka ayaa ka bilaabay degaano katirsan Gobolka Galgaduud wajiga labaad ee howlgalka ka dhanka ah Ururka Al-Shabaab, iyaga oo degaano kala wareegay Al-Shabaab.
Ciidamada ayaa degaannada ay la wareegeen waxaa kamid ah Baraag sheekh Caamir , Tixle, Cali heelle, iyo Ceel Cali Axmed oo dhammaantood hoostaga degmada Galcad ee gobolka Galgaduud.
Saraakiil katirsan Ciidamada xoogga dalka ayaa sheegay in intii ay howlgallada kujireen ay dagaalo aan badneyn ay la galeen Xubno katirsan Ururka Al-Shabaab ayna khasaaro xoogan gaarsiiyeen.
Waxaa ay sheegeen in uu billaawday wajiga labaad ee howlgalka ka dhanka ah Ururka Al-Shabaab, isla markaana ay sii wadi doonaan howlgalka ka dhanka ah Al-Shabaab ilaa guud ahaan laga saarayo Soomaaliya.
Madaxweynaha Soomaaliya Xasan Sheekh Maxamuud ayaa dhawaan markii uu tegay degmada Aadan-yabaal ee Gobolka Shabeellaha Dhexe waxaa uu halkaasi kaga dhawaaqay in uu billaawday wajiga labaad ee howlgalka ka dhanka ah Al-Shabaab si guud ahaan meelaha ay heystaan Al-Shabaab loo xureeyo.
Bilihii la soo dhaafay ayaa waxaa hakad galay howlgalkii ka dhanka ah Al-Shabaab,balse waxaa hadda socda diyaar garoowgii ugu dambeeyay ee howlgalka loga bilaabayo degaano ka kala tirsan Maamulada Jubbaland iyo Koonfur Galbeed.
Fekradaada Facebook Ku Dhiibo Ama Qeybta Hoose Ee Fekradaha:
Booga Bogeena Facebooka Halkaan KUDHUFO
Blogger Comment
Facebook Comment