Bulsha:- Dowladda Mareykanka ayaa Khamiistii cunaqabatayn kusoo rogtay ganacsadaha caanka ee Turkish-ka ah Sitki Ayan, oo lagu eedeeyey inuu ka howlgaley shabakd ganacsi oo maamuleysay saliid lagu qiimeyey boqolaal milyan oo dollar oo ay leeyihiin Ilaalada Kacaanka Iran.
Ayan, oo ku dhow madaxweyne Recep Tayyip Erdogan, wiil uu dhalay Ayan, iyo sarkaal ciidan ayaa lagu daray liiska cunaqabataynta wsaaaradda maaliyadda Mareykanka.
Waxaa la hakiyey hanti kasta oo shaqsiyaadkaas ka taalla Mareykanka, waxaana lagana mamnuucay inay galaangal ku yeeshaan suuqyada maaliyadeed iyo ganacsiga adduunka.
Wasaaradda Maaliyadda ayaa sheegtay in Ayan uu ka caawiyey Guutada Quds oo ka tirsan Ilaalada Kacaanka Islaamiga ah fududeynta iibka saliid ay maamusho oo la geeyey Shiinaha, Bariga Asia, Yurub iyo Imaaraadka Carabta.
Waxa uu gacan ka gaystay in lacagta kasoo baxday iibka uu gaarsiiyo Ilaalada Kacaanka Islaamiga ah, ayey tiri wasaaradda maaliyadda.
Waxa ay sheegtay inuu isticmaalay shabakadda shirkadihiisa ASB Group ee ka diwaan-gashan Gibraltar si uu u qariyo asalka saliidda iyo halka ay ku socoto lacagta.
Ayan ayaa sidoo kale u adeegsaday mid ka mid ah shirkadihiisa si uu Ilaalada Kacaanka ugu soo iibiyo markab qaada gaaska dabiici ah oo sita calanka Panama, ayay tiri.
Waxaa sidoo kale liiska xayiraadda lagu daray Kasim Oztas, oo ah sarkaal sare oo ka tirsan ASB Group, kaasi oo “maamula inta badan gacansiga Ayan,” iyo wiilka Ayan oo lagu magacaabo Bahaddin Ayan.
Wasaaradda Maaliyadda ayaa sidoo kale cunaqabatayn kusoo rogtay 20 shirkadood oo hoos taga ASB Group iyo shabakadda Ayan.
AFP
Fekradaada Facebook Ku Dhiibo Ama Qeybta Hoose Ee Fekradaha:
Booga Bogeena Facebooka Halkaan KUDHUFO
Blogger Comment
Facebook Comment