Trump oo sabab yaab leh ugu baaqay Ilhaan Cumar inay raali-gelin siiso Soomaaliya

Bulsha:- Madaxweynihii hore ee Mareykanka Donald Trump ayaa bayaan uu soo saaray ku dalbaday in Ilhan Omar oo ka tirsan Aqalka Wakiilada Mareykanka ay raali-gelin ka bixiso “inay ka tagtay dalkeedii hore ee Soomaaliya.”

“Ilhan Omar waa inay raali-gelin ka bixiso inay guursatay walaalkeed, gashay dambi baaxad weyn oo ah khiyaano doorasho iyo mid socdaal, ay dhimasho u rajeysay Israel, ayna dayacday dalkeedii hore, kaasi oo xitaa aan dowlad laheyn – oo ah waxa ay jeclaan laheyd inay aragto in Mareykanka uu noqdo,” ayuu Trump ku yiri bayaanka uu soo saaray. 

Ilhan Omar, oo laga soo doorto gobolka Minnesota, ayaa ku dhalatay Soomaaliya 1982-kii, waxayna magan-galyo ku timid Mareykanka 1995-kii ayada oo caruur ah.

Trump ayaa sidoo kale qoraal uu twitter-ka soo dhigay July 2019 wuxuu ugu sheegay in Ilhan iyo saddex xubnood oo kale oo ka tirsan xisbiga Dimoqraadiga “inay ku laabteen meelaha ay dambiyada la dageen ee ay ka yimaadeen, ayna xaliyaan.”

Ilhan ayaa marar badan lagu eedeeyey in Ahmed Nur Said Elmi oo ah seygeedii hore, uu dhab ahaan yahay walaalkeeda, balse ay Mareykanka ku keentay inuu yahay ninkeeda. 

Ilhan ayaa hadalladaas ugu yeertay “aflagaado iyo doqonnimo” waxayna 2016-kii baahisay bayaan dheer oo ay uga hadleyso sooyaalka guurkeeda. 

Weerarka cusub ee Trump uu ku qaaday Ilhan ayaa yimid ayada oo sidoo kale dhowaan ay Lauren Boebert oo ah gabar Jamhuuri ah oo ka tirsan Aqalka Wakiilada Mareykanka ay sheegtay in Ilhan ay ka tirsan tahay “kooxda jihaadka.”

Ilhaan iyo Rashida Tlaib, oo asal ahaan ah Falastiini, ayaa ahaa labadii gabdhood ee ugu horreeyey ee Muslim ah ee loo doorto Aqalka Wakiilada Mareykanka

Tan iyo markii ay kusoo biireen Congress-ka ayaa waxay la kulmayeen weeraro Islaam naceyb ah oo uga imanaya warbaahinta midigta iyo siyaasiyiinta Jamhuuriga, oo uu ka mid yahay madaxweynihii hore ee Mareykanka Donald Trump. 


Waxay naceybkan inta badan ku muteystaan inay dhaliilaan siyaasadda iyo dhibaatada ay Isarel ku hayso shacabka Falastiin. 










Fekradaada Facebook Ku Dhiibo Ama Qeybta Hoose Ee Fekradaha:


Booga Bogeena Facebooka Halkaan KUDHUFO
Share on Google Plus

About Bulsha Arrimaha Bulshada

Wabsite kaan waxaa uu idiin soo gudbin dhacdooyinka maalinlaha ah ee la xariira arrimaha bulshada siyaasada cayaaraha, fanka iyo suugaanta iyo in badan oo qarsoon marka ha moogaan inaad soo booqada oo aad ka daalacado waxyaabaha muhiimka ah ee aan idinku diyaariney. Waadna Mahadsan Tihiin. Somaliya hanoolaato
    Blogger Comment
    Facebook Comment