Haweenay Al-Shabaab tababartay oo ka qeyb gashay dhoolatuska ciiddanka milatariga Kenya

Bulsha:- Haweeney looga shakisan yahay inay xiriir la leedahay kooxda Al-Shabaab ayaa fiidnimadii Talaadadii lagu xiray deegaanka Tinderet, ee gobolka Nandi.

Sida uu sheegay agaasimaha waaxda dambi baadhista, George Kinoti, askarta bilayska ee fadhigoodu yahay saldhiga Soghor ayaa xabsiga u taxaabay haweenaydan.

“Haweeneydu waxay u sheegtay dambi-baarayaasha inay Soomaaliya ku sugnayd laba sano, iyadoo sheegtay in ay Alshabab ka afduubteen deegaanka Kilifi, sannadkii 2019,” sidaas waxaa yiri dambi baare George  Kinoti.

Booliiska Kenya ayaa sheegay in haweenaydu ay qiratay in la baray xirfado ku saabsan maaraynta hubka, afduubka, isticmaalka walxaha qarxa iyo sidoo kale xirfado kale.


Laamaha dambi baaristu waxay sheegeen in tuhmanaha la sheegay in ay ka qayb gashay dhoolatuska qoritaanka askarta cusub ee milatariga Kenya, ee dhawaan la soo gebagabeeyey.

Xarigeeda ayaa imaanaya maalmo kadib markii madaxweynaha Kenya uu amar ku bixiyay in amaanka guud ahaan la adkeeyo kadib weerarkii argagixiso ee ka dhacay dalka Uganda oo dad badan ay ku dhaawacmeen.

Dawladdu waxay sidoo kale kula talisay Kenyanka inay feejignaadaan gaar ahaan marka ay ku sugan yihiin meelaha dadku ku badan yahay iyadoo loo eegayo khataraha argagixisanimo ee firfircoon.

Hiiraan Online










Fekradaada Facebook Ku Dhiibo Ama Qeybta Hoose Ee Fekradaha:


Booga Bogeena Facebooka Halkaan KUDHUFO
Share on Google Plus

About Bulsha Arrimaha Bulshada

Wabsite kaan waxaa uu idiin soo gudbin dhacdooyinka maalinlaha ah ee la xariira arrimaha bulshada siyaasada cayaaraha, fanka iyo suugaanta iyo in badan oo qarsoon marka ha moogaan inaad soo booqada oo aad ka daalacado waxyaabaha muhiimka ah ee aan idinku diyaariney. Waadna Mahadsan Tihiin. Somaliya hanoolaato
    Blogger Comment
    Facebook Comment