Iiraan oo la sheegay in Hubka ay u waddo Xuutiyiinta ay usoo Mariso Xeebaha Soomaaliya.

Bulsha:- Khamiistii Todobaadkan Golaha amaanka ee Qaramada Midoobey ayaa Dowladda Iraan ku eedeeyay in Hub ay u gudbiso Xuutiyiinta Yemen iyada oo mar siineysa Biyaha Soomaaliya.

Nikki Haley oo ah Safiirka Mareykanka ee Qaramada Midoobe ayaa sheegtay in Gantaalada ay Maleeshiyaadka Xuutiyiinta ay ka ridayaan Yemen kuna Tuurayaan Sacuudiga ay kamid tihiin Gantaaladii Iiraan ee Xeebta usoo Marsiisay.

Xukuumadda Washington ayee sheegtay Nikki in aysan aqbali doonin in Dowladda Iiraan ay Gantaalo u gacan galiso Maleeshiyaadka Xuutiyiinta iyo waxa ay ugu yeertay Argagixisada.

Bishii November ayee sheegtay in Maleeshiyaadka Xuutiyiinta ee Yemen ku sugan ay ridaan Gantaalo Riddo Dheer.
Xukuumadda Washington ayaa aaminsan in Kooxda Nasrullaah ee Lubnaan ka dhisan ay ku xirmi karaan Xuutiyiinta, wadadaasine ay wado Xukuumadda Tahraan.

Iiraan Ayaa wajaheysa Eedeemo ah in ay hubeyneyso Dhinacyada ku sugan Dalalka Syria iyo Ciraaq, iyadoona Qaab tahriib ah hubka ugu geyso.

Tahriibinta Hubka ee Kooxda Xuutiyiinta ayee ku sheegtay in dhanka Xeebaha loosoo mariyo sida ay hadalka u dhigtay.

Hubka loo wado Yemen ayaa la sheegay in aanan si toos ah loo gelin, balse loosoo mariyo Xeebaha Soomaaliya si looga dhigo badeeco Soomaaliya u socota, kadibne loo leexiyo Yemen sida Sawir lasoo bandhigay ka muuqata.

Ciidamada Faransiiska ayaa 15-kii November gacanta ku dhigay Dooni hub usoo watay Soomaaliya, waxayna sheegeen in hubkaasi Kuuriyada Waqooyi ay kasoo iibsatay Iiraan, kadibne soomaaliya loosoo qaaday sida sheegeen Ciidamada Faransiiska.










Fekradaada Facebook Ku Dhiibo Ama Qeybta Hoose Ee Fekradaha:


Booga Bogeena Facebooka Halkaan KUDHUFO
Share on Google Plus

About Bulsha Arrimaha Bulshada

Wabsite kaan waxaa uu idiin soo gudbin dhacdooyinka maalinlaha ah ee la xariira arrimaha bulshada siyaasada cayaaraha, fanka iyo suugaanta iyo in badan oo qarsoon marka ha moogaan inaad soo booqada oo aad ka daalacado waxyaabaha muhiimka ah ee aan idinku diyaariney. Waadna Mahadsan Tihiin. Somaliya hanoolaato
    Blogger Comment
    Facebook Comment