Bulsha:- Madaxweynaha Dalka Ruushka Vladimir Putin ayaa dhalashada dalkaas siiyay Jilaaga caanka ah ee Steven Seagal, waxaana warkaan xaqiijiyay aqalka dalkaas looga taliyo ee Kremlin.
Jilaaga 64 jirka ah ee Steven Seagel, ayaa sanadihii lasoo dhaafay oo dhan si joogto ah u booqnayay dalka Ruushka, waxaana uu dhowr mar madaxweyne Putin kala qeyb galaydhowr munaasabadood, sidoo kale wuxuu had iyo jeer cambaareeyaa siyaasada Mareeykanka ee ku wajahan Ruushka.
Steve Seagel, waxa uu kamid yahay dhowr jilaa oo uu Kremlin-ka siiyay dhalashada dalkaas, waxaana ugu dambeeyay Jilaaga u dhashay Faransiiska Gerard Depardieu iyo jilaaga reer USA boxer Roy Jones Jr.
Afhayeenka madaxweyne Putin ninka lagu magacaabo Dmitry Peskov, ayaa wariyaasha Moscow ugu sheegay, in Jilaaga Seagel uu mudo codsanayay jinsiyada Ruushka islamarkaasna uu waligii difaaci jiray Ruushka asigoon dareenkiis qarin, sidaas darteedna Kremlin-ka u siiyay dhalashada dalkaas.
_______________________
Xafiiska Shabakada Bulsha
UK- Leicester united kingdom
Blogger Comment
Facebook Comment