Bulsha:- Cilmi Baadhis cusub oo la sameeyey ayaa lagu ogaaday in dumarka isku haysta inay qurux badan yihiin ay ka cadho badan yihin kuwa kale
Cilmi baadhistan oo ay samaysay Jaamacada California ee wadanka maraykanaka ayaa wareysi ka qaaday ku dhawaad 156 Gabdhaha ardayda ah ee dhigta Jaamacada iyadoo la waydiiyey heerka cadhadooda iyo sida ay u maareeyaan khilaafaadka.
Daraasadan ayaa heshay in dumarka aaminsan inay qurux badan yihiin ay si cadho leh uga jawaabaan Khilaafaadka jira halka kuwa iyagu isku haysta inaanay sidaa u qurux badnayni ay xaalad daganaansho ah ku wajahaan muranada.
Daraasadu waxay heshay in Dumarka isku haysta inay qurux badan yihin ay leeyihiin rajooyin sar sare iyagoo aaminsan inay helaan waxay u qalmaan.
Dr Aaron Sell oo isagu hogaaminayey Daraasadan ayaa sheegay inay xataa kala duwan tahay qaabka dumarku u qiimeeyaan Quruxda
Dr Sell wuxu sheegay in tani tahay hor dhac oo loo baahan yahay Daraasado intaa ka badan si loo ogaado dabeecadaha kala duwanaanshaha dumarka.
Daarasadan oo ah tii ugu horeysay ee nooceeda ah ee qiimeysa isku xidhnaanshaha Quruxda iyo Dabeecada ayaa lagusoo bandhigay Xarunta National Academy of Sciences
_______________________
Xafiiska Shabakada Bulsha
UK- Leicester united kingdom
Blogger Comment
Facebook Comment