Bulsha:- Dabangg Khan ayaa dhaliilsan in sanad walbo Bollywoodka sameeyaan filimo 200 tiro ahaan gaarayaan hadana sanad walbo ay guuleestaan aflaan aad u kooban.
Mega Star Salman Khan ayaa soo jeediyay in la badiyo tirada tiyaatarada kala duwan ee haatan gudaha Hindiya ku yaalaan wuxuuna aaminsan yahay hadii masrxadyada la badiyo sidoo kalena macaashka badan doono.
Salman Khan wuxuu yiri “Waxaa jiraan tiyaataro kooban oo Hindiya ku yaalo balse awoodeena waan adeegsan karnaa ilaa 10,000 oo tiyaatar ayaan duleedka magaalooyinka waa weyn ka sameyn karnaa” “Waxaa wanaagsan in tiyaatarada duleedka magaalada laga sameeyo halka xafiisyada tikitka laga goosanayo gudaha magaalada lagu reebo midaas waxay in badan naga caawin laheyd inaan ganacsi balaaran sameyno” Salman Khan ayaa qabo aragti ahaan hadii tiyaatarada la badiyo in filimo waa weyn hal maalin la saari karo sidoo kalena mid walbi ganacsi wacan sameyn karo.
Inkastoo Bollywoodka ay tahay shirkada aduunka ugu filim soo saarista badan hadana dhaqaale ahaan sanad walbo macaashka ah Bollywoodka helaan waxay 10% kala eg yihiin daqliga sanad walbo Hollywoodka soo galo! Sababtana waxay tahay in gudaha Mareekanka ay ku yaaliin tiyaataro aad u fara badan halka Hindiya ay koobin yihiin masraxyada wax laga daawado sidoo kalena tiyaatarada casriga ah aysan gudaha Hindiya ku badneyn.
_______________________
Xafiiska Shabakada Bulsha
UK- Leicester united kingdom
Blogger Comment
Facebook Comment