Bulsha:- Iyadoo Alshabaab laga saaray degmada Baardheere ee gobolka Gedo ayaa haddana qaar kamid ah dadka falanqeeya arimaha amaanka waxay sheegayaan ineysan waxba soo kordhin doonin qabashada degmada Baardheere ee gobolka Gedo.
Daa’uud Cismaan oo ah falanqeeye arimaha Soomaaliya oo la hadlay VOA ayaa sheegay in soo dhaweyn kadib qabashada degmada Baardheere aysan muhiim aheyn in ciidamada ay la wareegeen, maadaama ciidamada Alshabaab ay isaga baxeen iyagoo waxyeelo aysan gaarin.
Wuxuu sheegay in ciidamada AMISOM aysan dhab ka aheyn gacan u dhigida degmooyinka Alshabaab ku sugan yihiin iyo in Alshabaab looga adkaado dhamaan dagaalada ka socda gobolada kala duwan ee dalka Soomaaliya.
Aqoonyahanka wuxuu sheegay in ciidamada AMISOM ay Alshabaab kusii wargeliyaan degmada ay ka qabsanayaan, taasina aysan suurtogal aheyn in Alshabaab looga adkaato, sababtoo ah buu yiri ciidamada iyo hubkooda iney kasii baxaan degmada la weerarayo.
“AMISOM dhab kama ahan dagaalka ka dhanka ah Alshabaab, sababtoo marka la doonayo in magaalo la qabsado waa lagu wargelinayaa Alshabaab oo maalmo dhan ayay xiisad taagnaaneysaa laakiin haddii iyagoo moog laga dul dagi lahaa wey dhiman lahaayeen Alshabaab”ayuu yiri aqoonyahanka.
Ka bixitaanka Alshabaab ee degmooyinka ayuu sheegay iney keeneyso iney markale weeraro kusoo qaadaan maadaama ciidamadooda dhan magaalooyinka ay isaga baxaan.
_______________________
Xafiiska Shabakada Bulsha
UK- Leicester united kingdom
Blogger Comment
Facebook Comment