Bulsha:- Waxaa Goordhaw Weerar Ismiidaamin ah lagu qaaday Kolonyo Gaadiid ah ay la socdeen Saraakiil katirsan Dowlada Imaaraadka Carabta xili ay marayeen inta u dhaxeysa Isbitaalka Xooga Isgooska Tarabuunka ee Magaalada Muqdisho .
Wararka aan heleyno ayaa sheegaya in Gaari waxyaabaha qarxa laga soo buuxiyay lagu dhuftay gaari Cabdi Bille ah oo kamid ahaa Gawaari Dagaal oo ilaalinayay Saraakiil u dhalatay Dalka Imaaraadka Carabta oo la sheegayo in uu ku jiro Safiirka Imaaraadka u fadhiya Soomaaliya.
In ka badan 12-qof oo isugu jira Ciidan iyo shacab ayaa ku dhintay Weerarkaasi ismiidaaminta ahaa, waxaa sidoo kale ku dhaawacmay dad kale oo aad u badan kuwaa oo loola cararay Isbitaalo kuyaala Magaalada Muqdisho.
Wariye Goobta qaraxu ka dhacay tagay ayaa soo sheegaya in Weerarka Ismiidaaminta ah uu ka dhashay qasaarooyin aad u xoogan, waxa uu tilmaamay in halka qaraxu ka dhacay ay aheed goob mashquul badan ay xiligaasi dad badan ku sugnaayeen.
Lama oga in qasaaro uu qaraxaasi kasoo gaaray Saraakiishii Imaaraadka Carabta ahaa ee lasocday kolonyada la weeraray, waxaana goobta uu weerarku ka dhacay Ciidamo katirsan Dowlada kuwaa oo dadka ku kala eryayay rasaas.
Xarakada Al-Shabaab ayaa sheegatay Masuuliayada Weerarkaasi , waxaana Afhayeen u hadlay kooxdaasi uu sheegay in Weerarka ay la beegsaeen diplamaasiyiin ajaaniib ah oo ku sugnaa Magaalada Muqdisho.
Dowlada Soomaaliya ayaan dhankeeda ka hadlin Weerarkan ka dhacay Magaalada Muqdisho ee lagu beegsaday Saraakiil Imaaraadka Carabta u dhashay, waxaana Weerarkan imaanayaa xili Al-Shabaab kordhiyeen Weerarada ay ka geesanayaan Goobaha ay Dowlada kataliso.
_______________________
Xafiiska Shabakada Bulsha
UK- Leicester united kingdom
Blogger Comment
Facebook Comment