Bulsha:- Kooxda Barcelona ayaa ku guuleysatay koobka tartamada Yurub ee Champions League markii Shanaad, iyadoo 3-1 ay ugu awood sheegatay Juventus.
Ciyaartan oo isha lagu haayay ayaa waxay ka dhacday garoonka kubadda cagta ee Olympic Stadium ee magaalada Berlin waxyna aheyd mid xiiso leh maadama labada kooxood ay final sidan oo kale ah isaga hor imaan.
Barcelona ayaa hoggaanka qabatay daqiiqadii afaraad markii gool ku hormartay, waxaana u dhaliyay Ivan Rakitic, kadib markii uu baas qurux badan ka helay Andres Iniesta, sidaasina ay ku maamusho ciyaarta.barca
Juventus ayaa goolka bar baraha la timid daqiiqadii 55aad ee qeybtii labaad, markii uu kubad uu soo tufay Goolhayaha Barcelona Ter Stegen uu ka faa’ideystay ciyaaryahan Alvaro Morata, sidaasna uu shabaqa ku hubsaday.
Inkastoo Ciyaartoyda Juventus ayaa fursado qaali ahaa heleen kama faa’iideysan, waxaana laga dhaliyay goolkii Labaad oo shabaqa uu ku hubsaday Luis Suarez oo kubad uu soo tuuray Messi ka faa’iideystay.
barca-win-1Daqiiqadii 72 aad ayay ciyaartu u muuqatay inay soo dhamaatay oo ay Barcelona heshay goolkii saddexaad kadib markii uu Neymar gool u dhaliyay, laakiin dabaal dega goolka ayaa la soo gaabiyay, kadib markii calan waduhu tilaamay inay Neymar uu kubbada gacanta ku taabtay go’aankaas oo ahaa mid sax ah oo uu Neymar kubadda gacanta ku taabtay, ka hor inta aysan shabaqa gelin.
Dhamaadkii ciyaarta ee 90-kii daqiiqo dheeraadka lagu daray ciyaarta ayaa Neymar waxaa uu dhaliyay goolkaad saddexaad oo uu natiijada ciyaarta ku soo afjaray, waxaana ay ku soo dhamaatay 3-1 oo ay ku quusatay Juventus.
barca-win-3Barcelona ayaa u noqotay markeedii shanaad ee ay ku guuleysato koobkaan, waxaana Tababaraha Barca Luis Enrique uu kooxdiisa xilli ciyaareedkii u horeeyay kula guuleystay saddex koob, isagoo rikoorkaas ka bar bareeyay Tababarihii hore ee Barcelona Pep Guardiola.
_______________________
Xafiiska Shabakada Bulsha
UK- Leicester united kingdom
Blogger Comment
Facebook Comment