Twitter-ka BBC Northampton oo lagu baahiyay in la toogtay Trump

Bulsha:- Qaar kamid ah Warbaahinta Caalamka oo xiganaaya BBC Northampton ayaa qoray in la toogtay Madaxweynaha la doortay doland Trump.

Warbaahinta BBC Northampton, ayaa qortay in warbixintaasi lagu baahiyay Twitterkooda kadib markii ay jabsadeen Kooxo qooleysato ah.

Maamulka BBC Northampton, ayaa sheegay in warbixintaasi ay tahay mid been abuur ah, isla markaana la daabacay xili la jabsaday beejkooda Twitter-ka.

Beejka BBC Northampton ee barta Twitterka, ayaa waxaa lagu baahiyay in maalinimadii shalay la toogtay Doland Trump, xili uu ku guda jiray Xaflada Caleemasaarka.

Twitterka laga Jabsaday BBC Northampton, ayaa waxaa lagu qoray warbixin kooban oo ah ”Madaxweyne Doland Trump oo rasaas looga dhaawacay mid kamid ah gacmihiisa”

Qeybaha BBC Northampton u qaabilsan baraha Bulshada oo ka jawaabaya warbixinta lagu baahiyay beejkooda ayaa si dhaqsi ah u tirtiray warbixinta been abuurka ah ee beejkooda lagu baahiyay.

Madaxweynaha la doortay ee Mareykanka ayaa badqaba, waxaana faafinta warkaasi lagu eedeeyay dhinacyada kasoo horjeeda Trump.

_______________________
Xafiiska Shabakada Bulsha
UK- Leicester united kingdom

Share on Google Plus

About Bulsha Arrimaha Bulshada

Wabsite kaan waxaa uu idiin soo gudbin dhacdooyinka maalinlaha ah ee la xariira arrimaha bulshada siyaasada cayaaraha, fanka iyo suugaanta iyo in badan oo qarsoon marka ha moogaan inaad soo booqada oo aad ka daalacado waxyaabaha muhiimka ah ee aan idinku diyaariney. Waadna Mahadsan Tihiin. Somaliya hanoolaato