Bulsha:- Gabdhaha Soomaalida ah maxay ku arkeen ragga ajaanibta ah? waa qodobkeena dooda ee maanta. Waxaan baaritaan ku sameeyay goobo ay ku kulmaan dhalinyarada Swedishka ah anigoo kula kulmay gabdho Soomaali ah oo markii aan la sheegeystay si daacad ah iigu waramay.
Gabdhahaan ayaa si cad iigu sheegay in aysan ka helin wiilasha Soomaalida sababo kala duwan owgeed. Labo ka mid ah gabdhaha ayaa ii cadeeyay in dooqoodu uu yahay ragga cadaanka ah (iyadoo aan loo kala sooceyn diintooda). Mar aan wax ka waydiiyay sababta ka dambeysa in aysan ka helin wiilasha Soomaalida ayaa gabdhaha qaar ii sheegeen in ay adagtahay in la aamino wiilasha Soomaalida, in aysan ahayd kuwo jaceylka si fiican wax uga yaqaana iwm. Qaasatan waxaan la yaabay in gabdhaha ay iska dhaleen Soomaalida iyo Swedishka aysan ka helin ragga Soomaalida. Arintaas ayaa loo aanayn karaa aabayaashood oo xumeeyay gabdhihii cadaanka ahaa ee ay guursadeen.
Qodobkeygu ma ahan in aan ka soo horjeedo guurka xalaasha ah ee u dhexeeya gabdhaha Soomaalida iyo ragga Muslimiinta cadaanka ah balse waxaan ka hadlayaa waa gabdhaha oo raggii Soomaalida ka door bida wiilasha cadaanka ah oo ay ku jiraan kuwa aan Muslimka ahayn.
Hadaba sidee u aragtaan arintaan. gabdhaha miyaa xumaaday? mise wiilasha ayaa fashil ku yimid oo gabdhihii ku qanci waayeen? doodu waa furantahay….
_______________________
Xafiiska Shabakada Bulsha
UK- Leicester united kingdom
Blogger Comment
Facebook Comment