Bulsha:- Atirishada caanka ah Preity Zinta ayaa lagu wadaa in ugu dambeyntii ay nolosha kaliga ah ka baxday sidoo kalena la aqal gasho nin ganacsade reer Ameerika ah. Preity Zinta ayaa lagu wadaa inay la aqal gasho ganacsade Gene Goodenough oo u dhashay dalka Mareekanka waxana dhigan doonaan xaflad aroos oo kooban horaanta bisha Maarso ee nagu soo fool leh.
Aqalka galka Preity Zinta wuxuu ka dhici doonaa magaalada Los Angeles ee dalka Mareekanka sidoo kalena dad badan laguma martiqaadi doono madaama labadan lamaane ay yihiin dad jecel nolosha qaaska ah ee aan buuqa badneyn.
Preity Zinta qorshaheeda wuxuu yahay in bisha April ay xaflad weyn ku dhigato magaalada Mumbai sidoo kalena ay ku casuunto saaxiibada ay Bollywoodka ku leedahay.
Waxaa la sheegay in Hrithik Roshan xaaskiisii hore Sussana Khan ay ka mid tahay martida lagu martiqaaday inay Los Angeles kala qayb gasho Preity Zinta arooskeeda madaama ay saaxiibo dhow yihiin labadan gabdhood.
Balse asxaabta kale ee Bollywoodka ka tirsan dhamaantooda laguma casuumin waxayna martiqaadka Preity sugi doonaan marka ay xidigtan Mumbai kusoo laabato bisha April._______________________
Xafiiska Shabakada Bulsha
UK- Leicester united kingdom
Blogger Comment
Facebook Comment