Gabdhaha wey xusuustaan kabihii ugu horeeyay oo ay lacagtooda ku gataan, laakiinse waxey iloowbaan

Bulsha:-  Hadii aad tahay gabar gadatay kabo badan, waxa aad ogaataa in aanad ahayn ta kaliya ee kabaha aad u jecel. Sida shabakada ka mid ah kuwa caanka ah ee aad waxa uga qora arimaha

haweenka ay sheegtay in baadhitaan lagu ogaaday in 92% habluhu xusuustaan kabihii ugu horeeayay ee ay ku gataan lacag ay leeyihiin. Laakiin 63% dumarku xusuustaan magacii

wiilkiii ugu horeeyay ee dhunkaday. Waxa kale oo maqaalka ku xusnaa in shirkad kabaha ka ganacsata ay baadhitaankan ku samaysay 1000 haween ah si ay u ogaato xusuusta iyo

xidhiidhka lamaanayaasha. Waxa kale oo aad u yaab badnayd markii ay haweenkaasi 96% aad uga xumaadeen kabo ay lahaayeen oo ay tuureen laakiin 14% ay ka shaleeyeen nin ay ka

tageen. Dadku waxa y u maleeyaan in ay gabdhuhu ku kaydsadaan kaartoonada kabaha waraaqaha jacaylka, laakiin inta badan kabuhu aad uga muhiimsan yihiin fariimaha ku qoran

waraaqaha. Haweeenku waxa ay ula dhaqmaan kabaha sidii saaxiib qaali ah, sidaa darteedna ay fududahay in ay uga xusuusba badan yihiin ragii maray. Waxa kale oo jirta in hore

baadhitaan loogu ogaaday in haweenku celcelis ahaan ay leeyihiin 19 beer (par)oo kabo ah, laakiin ay 4 peer oo kaliya si caadi ah u isticmaalan. “Xaragada kabaha ayaa iiga

muhiimsan ta dharka. Marka aan magaalada joogo oo wasakh kabaha iga gaarto waan ka tirtiraa, laakiin hadii dharku wasakh iga noqdo kama warwaro.”, sidaas waxa tidhi Amina  Ahmed oo ka mid ah akhristayaasha Ladaneey.

_______________________
Xafiiska Shabakada Bulsha
UK- Leicester united kingdom

Share on Google Plus

About Bulsha Arrimaha Bulshada

Wabsite kaan waxaa uu idiin soo gudbin dhacdooyinka maalinlaha ah ee la xariira arrimaha bulshada siyaasada cayaaraha, fanka iyo suugaanta iyo in badan oo qarsoon marka ha moogaan inaad soo booqada oo aad ka daalacado waxyaabaha muhiimka ah ee aan idinku diyaariney. Waadna Mahadsan Tihiin. Somaliya hanoolaato