Blogger Widgets

Madaxweynaha Jubaland oo baajiyay Socdaalkiisii Dhuusa-Mareeb.

Bulsha:- Madaxweynaha Maamulka Jubaland ayaa shaaciyay inuu ka baaqanayo ka qeybgalka shirka lagu mideynayo maamulada Galmudug iyo Ahlu-Suna ee ka dhacaya Magaalada Dhuusa Mareeb.

Axmed Maxamed islaam (Axmed Madoobe) ayaa qoraal uu soo dhigay bartiisa Facebook ku sheegay inuu ubaaqanayo Shaqooyin muhiim u ah Maamulkiisa Jubaland oo uu ka qabanayo Magaalada Kismaayo oo Xarun Kumeel gaar ah u ah Maamulka Jubaland.

Sida qorshuhu yahay maalinimada beri ah ayaa waxaa Xarunta Galmudug ka dhaceysa munaasabada ugu danbeysa ee la isugu biirinayo Maamulada Galmudug iyo Ahlu-Suna oo mudo khilaaf udhexeeyay taasoo ugu danbeyn heshiis is afgarad ah laga gaaray Bishii ian dhaaftay ee December.

Axmed Madooobe ayaa sidoo kale waxyaabaha baajiyay safarka uu ku tagi lahaa Magaalada Dhuusa-Mareeb , waxa uu ku sheegay iney qeyb ka tahay safarro uu ku soo kala bixinayo qeybo kamid ah deegaanada uu ka arimiyo maamulkiisa ee kala ah Gobolada Jubada Hoose iyo Gedo, Maadaama Gobolka Jubada Dhexe dhamaantiis ay Shabaab gacanta ku heyso.

Madaxweynaha Jubaland ayaase sheegay inuu soo dhaweynayo Heshiiska lagu mideynayo labada Maamul, isagoona sheegay inuu yahay mid dhabaha uxaaraya daganaan Siyaasadeed iyo Hormar Gobolka oo sii socdo.

Maamulada Galmudug iyo Ahlu-Suna oo dirirsanaa labadii sano ee ina dhaaftay ayaa ugu danbeyn waxa ay isla meel dhigeen iney ku midoobaan Galmudug, waxaana wadahadalo ka kala dhacaya Magaalooyinka; Nairobi, Jabuuti iyo Muqdisho la isku afgartay iney si wadajir ah ushaqeeyaan.
Madaxweynaha Ahlu-Suana Sheekh Maxamed Shaakir Cali Xasan ayaa laga dhigay Madaxa Xukuumada Galmudug, wuxuuna Guriceel kaga dhawaaqay in laga guuray Magacii Maamulka Gobolada Dhexe.









Fekradaada Facebook Ku Dhiibo Ama Qeybta Hoose Ee Fekradaha:


Booga Bogeena Facebooka Halkaan KUDHUFO
Share on Google Plus

About Brothers Group

This is a short description in the author block about the author. You edit it by entering text in the "Biographical Info" field in the user admin panel.
    Blogger Comment
    Facebook Comment