Bulsha:- Ra’iisul Wasaaraha Soomaaliya Xasan Cali Kheyre ayaa maanta magacaabay Guddi ka kooban 11 xubnood, kuwaasoo la socon doona tartanka loo galay xilalka 26 Agaasime Guud oo ka tirsan Wasaaradaha Xukuumadda Federaalka Soomaaliya.
Guddigan ayaa waxaa Guddoomiye u ah Ra’iisul wasaare kuxigeenka Mahdi Maxamed Guuleed, waxaana ku jira xubno ka socda Golaha Wasiirada iyo Ururada bulshada rayidka, Waxaana guddigan shaqadiisa ay noqon doonto inuu la socdo Tartanka loo galayo agaasimayaasha guud oo loo qaban doono si hufnaan ah.
Ra’iisul Wasaare Kheyre ayaa tilmaamay in hanaankan ay qeyb ka tahay daah furnaanta maamulka hey’adaha dowladda, Wuxuuna sheegay in Marka uu Qofku Xanuunsado uu Dhakhtar aado, Marka uu Guri dhisayana uu Aado Qofka wax dhisa, ee aanu Qabiilkiisa Aadin, Wuxuuna sheegay in Qarankuna u baahan yahay Qof dhisaya.
Tallaabadan ayaa ka dhigan in cid kasta uu u furan yahay xilalka Agaasimayaasha Guud ee Wasaaradaha oo ay muddo xilalkooda hayeen shaqsiyaad dhowr ah, Iyadoo Dhowaan ay aheyd markii Ra’iisul Wasaaraha uu ku dhawaaqay in tartan loo geli doono xilalka Agaasimayaasha guud ee Wasaaraddaha.
Fekradaada Facebook Ku Dhiibo Ama Qeybta Hoose Ee Fekradaha:
Booga Bogeena Facebooka Halkaan KUDHUFO
Blogger Comment
Facebook Comment