Bulsha:-Dowladda Federaalka ah ee Soomaaliya ayaa war ka soo saartay khasaarihii baaxada lahaa ee ka dhashay qaraxii ka dhacay magaalada Muqdisho, gaar ahaan Isgoyska Zoobe ee KM5.
War saxaafadeed ka soo baxay Wasaaradda Warfaafinta ayaa lagu xaqiijiyay in 276 ruux ay ku geeriyoodeen qaraxii shalay, halka 300 oo ruux ay ku dhaawacmeen.
“Weli waxaa lagu guda jiraa gurmad qaran oo wixii soo kordha dib laga soo sheegi doono. Meydadkan ayaa 111 ka mid ah ay qoysaskooda aasteen halka inta kale ay Dawlada Federaalka iyo Dawladda Hoose ee Xamar ay si sharaf leh u aaseen, iyadoo loo wada sameyn doono baroordiiq heer Qaran ah iyo duco maalmaha soo socda” ayaa lagu yiri War saxaafadeed ka soo baxay Wasaaradda Warfaafinta.
Wasiirka Arrimaha Dibadda Soomaaliya Yuusuf Garaad Cumar ayaa sheegay in dalalka Turkiga, Qatar, Kenya, Ethiopia iyo Jabuuti ay balan-qaadeen gargaar caafimaad.
“Waxaan u mahadcelinayaa dalalka Turkiga, Qatar, Kenya, Ethiopia iyo Djibouti oo ballanqaaday gargaar caafimaad oo ku wajahan Soomaalida ku dhaawacantay weerarkii cadawtinnimada ahaa shalay lagu qaaday shacabka Soomaaliyeed”ayuu yiri Yuusuf Garaad.
Wasiirka Caafimaadka Turkiga iyo Wafdi uu hogaaminayo ayaa u duulay Muqdisho, Bayaan ay soo saartay Wasaaradu waxaa lagu sheegay in socdaalkiisu la xiriiro dardargelinta sidii dadka ku dhaawacmay qaraxii ka dhacay Muqdisho loogu qaadi lahaa Turkey.
Fekradaada Facebook Ku Dhiibo Ama Qeybta Hoose Ee Fekradaha:
Booga Bogeena Facebooka Halkaan KUDHUFO
Blogger Comment
Facebook Comment