Blogger Widgets

Somaliland oo marmarsiyo cajiiba u sameysay sababta Buubaa loogu diiday dhoofka

Bulsha:- Maamulka Somaliland ayaa ka hadlay sababta ka danbeysay in dhoofka loo diido Siyaasiga Ismaaciil Hurre Buubaa oo doonaayay inuu ka Safro magaalada Hargeysa.

Maamulka ayaa sheegay inay jiran sababo ku khasbaaya diidmada dhoofka Ismaaciil Hurre Buubaa, waxa ayna sababta ku sheegen in Siyaasiga uu watay Baasaboor-ka Diblumaasiga ee Soomaaliga ah.

Sargaal ka tirsan Laanta Socdaalka Maamulka Somaliland ayaa sheegay in Siyaasiga uu yahay muwaadin Somaliland ah, sidaa darteedna laga doonaayo inuu qaato aqoonsiga Somaliland.

Sargaalka waxa uu tilmaamay in Ismaaciil Hurre Buubaa uu mudan yahay in la xushmeeyo, balse aan laga maarmeynin in la dhowro sharciga.

Maxamed Muuse diiriya oo ah Wasiiru dowlaha Wasaarada arimaha Gudaha maamulka Somaliland, ayaa dhankiisa ka sheegay in maamulka uu kala qaadayo sharciga iyo shaqsiyada qofka, waxa uuna diidmo ka muujiyay suuragalnimada in Siyaasiga uu magaalada Hargeysa kaga dhoofo Baasaboorka Diblumaasiga ee Soomaaliga ah.
Wasiiru dowlaha Wasaarada arimaha Gudaha maamulka Somaliland, ayaa intaa raaciyay in Somaliland ay tahay dal ka madaxbanaan Somalia inteeda kale.

Waxa uu tilmaamay inay mamnuuc tahay in Somaliland looga dhoofo Baasaboorka Soomaaliga, waxa uuna danbiile ku tilmaamay cidii kasoo jeeda Somaliland ee isticmaaleysa Baasaboorka.

Dhinaca kale, Siyaasiga Ismaaciil hurre Buubaa oo horay u soo noqday Wasiirka Arimaha Dibadda Somalia ayaa xiliga la xayiraayay ku sii jeeday dalka Kenya.











Fekradaada Facebook Ku Dhiibo Ama Qeybta Hoose Ee Fekradaha:


Booga Bogeena Facebooka Halkaan KUDHUFO
Share on Google Plus

About Brothers Group

This is a short description in the author block about the author. You edit it by entering text in the "Biographical Info" field in the user admin panel.
    Blogger Comment
    Facebook Comment